شو بتحصل عليه مقابل كل دولار؟
بناء الاستراتيجية
قبل ما نصرف دولار واحد على الإعلانات لازم نعرف وين رح نصرف وليش
-
دراسة المنافسين: بنحلل كيف منافسينك المباشرين عم يسوّقوا، وين نقاط قوتهم، ووين الفرصة إلك
-
تحديد الجمهور: مين عميلك بالضبط، شو بيريد، وشو السبب اللي بيخلّيه يشتري، مو تخمين، بناءً على بيانات
-
مراجعة التسعير والهامش: بنتأكد إنّ هامش ربحك يتحمّل تكلفة الإعلان ويطلّعلك ربح صافي فعلي. إذا التسعير مش مضبوط، أحسن إعلان بالعالم ما رح ينقذك
-
بناء العرض الترويجي: بنصيغ عرض حقيقي (باقة، خصم مدروس، عرض محدود) يرفع متوسط قيمة الطلب، لأنّ العرض القوي هو اللي بيحوّل الإعلان الجيد لمبيعات
اللي بتستلمه: خطة واضحة ومكتوبة، مبنية على أرقام فعلية، جاهزة للتنفيذ
كتابة المحتوى الإعلاني
10 نسخ إعلانية مكتوبة خصيصاً لجمهورك، مو محتوى عام يصلح لأي منتج
-
10 نسخ متنوعة: سكريبتات فيديو، كابشنات، وزوايا بيع مختلفة، لنختبر أيهم بيجيب أفضل نتيجة
-
مبنية على الاستراتيجية: كل نسخة مصاغة من فهم جمهورك اللي حدّدناه بالمرحلة الأولى. ما في "محتوى جاهز" بينلصق على أي منتج
-
دليل إرشادي للإنتاج: بتستلم ملف المحتوى جاهز + إرشادات واضحة لتنفيذه بصرياً. وإذا التنفيذ البصري ضعيف، برفض إطلاق الإعلان، لأنّ التنفيذ السيء بيحرق ميزانيتك مهما كان النص قوي
-
جولة تعديل واحدة: بتراجع المحتوى وبتعطيني ملاحظاتك، وبعدّل مرة وحدة قبل الإطلاق
إدارة الحملات الإعلانية
إطلاق، متابعة يومية، وتصعيد مبني على أرقام مو على حظ
-
الإطلاق بمبدأ الاختبار: بنبدأ بعدة إعلانات بميزانية صغيرة لنكتشف الرابح من الخاسر
-
متابعة يومية: كل يوم بتابع أداء الحملات، مو مرة بالأسبوع ومو مرة بالشهر
-
إيقاف + تصعيد: الإعلان اللي ما بيشتغل بينوقف فوراً. واللي بيشتغل بنزيد ميزانيته بشكل مدروس
-
تقارير دورية: بتوصلك تقارير بالأرقام: شو صار، ليش صار، وشو الخطوة الجاية. ما رح تكون بالعتمة أبداً
باقة النمو المتكاملة
الباقة بتشمل: استراتيجية + محتوى بيعي + إدارة حملات
باقة وحدة، شخص واحد، مسؤولية واحدة
أتعابي مفصولة تماماً عن ميزانية الإعلانات وبتغطي شغلي بالكامل من التخطيط لحتى التقارير
شفافية كاملة بدون مفاجآت
شو اللي مو داخل بالباقة؟
ميزانية الإعلانات
بتندفع مباشرة لـMetaبمبلغ منفصل تماماً
يُفضل يكون صرفك الإعلاني بين 1.5x – 2x ضعف الأتعاب، حتى تتوزع تكاليف الإدارة التسويقية على الصرف الكبير وما تواجه عبء مالي
الإعداد التقني
إنشاء حساب الأعمال والإعلان، إضافة بطاقة الدفع، ضبط الصلاحيات، وإنشاء الـPixel
هي الخدمة مجانية إذا طبقتها بنفسك عبر فيديو رح أبعتلك ياه، أو تكلفتها $50 لمرة واحدة إذا طلبت مني أنفذها عنك
الإنتاج البصري
أنا بقدملك النصوص والدليل الإرشادي للتنفيذ لكن مسؤوليتك تنفيذ الإخراج
ملاحظة هامة: إذا كان الإخراج ضعيف برفض إطلاق الحملة أو بطلب تعديله لضمان نجاح الإعلان
أسئلة عن تفاصيل الخدمة
مناسبة لأي حجم مشروع؟
الباقة مصممة لمشاريع بـ 2 إلى 10 منتجات. إذا مشروعك أكبر، تواصل معي لتقييم مخصص ومجاني
شو إذا ما عندي حساب إعلاني؟
مجهزلك فيديو مجاني تأسس حسابك بنفسك، أو بنفذها عنك بـ$50
كم لازم تكون ميزانية الإعلانات؟
بنحددها سوا بعد ما نعرف تكلفة الاستحواذ الفعلية لمشروعك. ما في رقم ثابت يصلح للكل
شو إذا النتائج ما كانت مرضية؟
بنراجع سوا بالأرقام. إذا المحتوى جاب نقرات ومشاهدات بس ما صارت مبيعات، المشكلة غالباً بالعرض أو بسرعة الرد وبنشتغل على تحسينها. وإذا المحتوى نفسه ضعيف، بنبدّل الزوايا فوراً
في عقد؟
نعم. بنوقع اتفاق واضح فيه حدود مسؤولية كل طرف لضمان الحقوق
خدمات إضافية اختيارية
تُطلب عند الحاجة فقط، وما بتعوّض عن الباقة الأساسية